球哥燉湯 (已結業)

今日lunch又係跟大隊叫網上外賣平台，好多同事話想幫襯球哥燉湯，尤其係年紀較大既同事，可能因為有湯飲，但係自己食過之後，真係唔明點解佢咁受歡迎...我揀左個馬拉盞炒飯配花旗參雞燉湯，本身好期待，因為啲同事講到咁好，點知外賣到一拆開個飯盒... 咦？點解個馬拉盞炒飯咁淺色嘅？食落完全冇味道.... 好，我當你俾錯左蝦醬揚州炒飯，都完全冇蝦醬味囉。個花旗參雞燉湯本身都算足料，但係啲油幾吋厚，隔極都隔唔晒最尾只係飲左1/3，本身腸胃一般既我食完餐飯最尾胃痛。