影片
更多
2021-10-28
902 瀏覽
第一次寫食評，就係比呢間垃圾燒肉店今日同朋友4個人各食一個套餐，野食係唔差，份量足夠價錢都夠平，然而差既係我地食餐飯都要受氣。.第一，我將佢地提供既蒜汁唧落一啲未熟既肉度，唧唧下發現唧唔到，疑似塞左，就叫店員比過一支或者處理下佢，店員扭一扭 試一試唧就拎番黎比我地。唧到1/2下後又係唧唔到，就有另一位女店員過黎話可以扭下佢再試下，然後話「唧係生肉唔得架喎，係比你地點黎食架。」由於佢啲肉本身無味，朋友先推薦我唧啲汁落生肉度再拎去燒，就突然比該位女店員責備。.第二，朋友因為想攞啲鹽，但個鹽樽又卡實左，所以就向住左個爐按左一下（鹽樽係按壓式），而上面提到既同一位女店員再次走黎我地枱，並以惡劣態度告訴我們：「啲鹽唔可以對住個爐黎用」。咁係咪灑落啲燒緊既肉度都唔得？.呢樣唔得、果樣唔得，當下既感受好似受緊店員氣咁😅 雖然唔係好大件事，但第一次食呢間野就遇到咁既情況真係唔係幾好受😅唔知其他分店既店員係點，但上環分店既某位女店員真係態度有少少差。
今日同朋友4個人各食一個套餐，野食係唔差，份量足夠價錢都夠平，然而差既係我地食餐飯都要受氣。
.
第一，我將佢地提供既蒜汁唧落一啲未熟既肉度，唧唧下發現唧唔到，疑似塞左，就叫店員比過一支或者處理下佢，店員扭一扭 試一試唧就拎番黎比我地。唧到1/2下後又係唧唔到，就有另一位女店員過黎話可以扭下佢再試下，然後話「唧係生肉唔得架喎，係比你地點黎食架。」由於佢啲肉本身無味，朋友先推薦我唧啲汁落生肉度再拎去燒，就突然比該位女店員責備。
.
第二，朋友因為想攞啲鹽，但個鹽樽又卡實左，所以就向住左個爐按左一下（鹽樽係按壓式），而上面提到既同一位女店員再次走黎我地枱，並以惡劣態度告訴我們：「啲鹽唔可以對住個爐黎用」。咁係咪灑落啲燒緊既肉度都唔得？
.
呢樣唔得、果樣唔得，當下既感受好似受緊店員氣咁😅 雖然唔係好大件事，但第一次食呢間野就遇到咁既情況真係唔係幾好受😅
唔知其他分店既店員係點，但上環分店既某位女店員真係態度有少少差。
張貼