星海．譽宴 (鱷魚恤中心) (已改名) 查看

同家中長者食飯首選中菜，呢間中菜嘅裝修幾靚，有一邊枱嘅隔離係個大魚缸，食緊飯都可以欣賞到魚樂無窮!!!首先上嘅係燒味拼盤，有燒腩仔叉燒同海蜇，燒味嘅質素唔錯，燒腩仔肥瘦相間個皮仲好脆!! 花膠元貝燉螺頭，呢個燉湯超級足料，全部湯料都係肉眼見到唔會煲到溶晒，大大粒元貝，螺頭味好出，呢個燉湯我會俾好高分呢!! 西蘭花炒帶子蝦仁，食材新鮮，帶子同蝦仁煮得剛剛好有鮮甜味!! 西施龍躉球，龍躉球完全冇骨老人家食都唔怕，估唔到下面係個蒸蛋白，十分之滑 ，好味!! 乾隆石鍋炒飯，炒飯炒得乾身，裏面都有幾多元貝粒，太飽嘅關係都打包左啲返屋企食!! 最後甜品係楊枝甘露，呢個甜品都好少會唔好食，好香椰奶同芒果味，又係好多料!! 呢間中菜屋企人都覺得唔錯，食物質素同服務都幾好，絕對可以有下次!!