平昌

營業中

休息中

難得有心情，就去左兆萬13樓食韓燒一上到去就有oppa招呼，雖然廣東話不算太流利，但幸好oppa都講得幾好，我地都算交流得到，不至於雞同鴨講。7點40分入座，食到9點半，任食黎講時間都算充裕。一安排座位當然要同職員講飲傻豬任你溝叫左78元瑪格利加傻豬(soju)任飲叫左枝蕉味瑪格利，好似飲緊蕉味果汁咁，好香蕉味座位方面唔算差，座位下面椅子可放物品，而且都算幾闊落，不至於背貼背。oppa見我加瑪格利任飲，就問我要唔要加埋世子御膳，當然加埋有t骨扒，豬皮，牛肉眼，牛側腹，牛腸，豬腸，雞腎，蜆，干貝仲有醬油蝦添。而且oppa服務很好，但如果酒精類齊全一點，以及其他職員可以兼顧全面一點會更好。除了世子御膳，大君御膳的選項也不少，大君有生蠔，烤鏝，烤蝦，豬肉及牛肉等。牛肉眼同牛側腹真係好好食，單是這兩個我就encore了3次。肉地夠厚夠淋，加埋生菜食一流。今次埋單783(278x2, 78x2連加一)，也蠻算合理，單是世子御膳的牛肉，我就encore多次瑪格利也喝了整整3瓶。等lift期間，oppa仲講多謝光臨加鞠躬。