小火焰韓式咖啡廳 (樂富廣場A區) (已結業)

樂富廣場入面呢間韓國餐廳吾錯，叫小火焰韓式咖啡廳。地方大又乾淨，播住韓國kpop，食物款式又多，價錢合理，服務都好。點了拉絲芝士bb豬肋骨拼飯，炸雞combo同凍綠茶拿鐵，一共大概百幾二百元咁上下。炸雞combo份量幾多，有炸薯條和韓式辣炸雞同炸雞軟骨三款，最欣賞炸雞軟骨，好香脆，熱辣辣好惹味！拉絲芝士bb豬肋骨拼飯都好正，芝士蓋滿整碗飯，豬肋骨都好嫩滑，微辣都好好味，食落肚暖粒粒。凍綠茶拿鐵都好有質素，綠茶味道香濃，好滑，好飲！今餐食到好飽，好滿足。