金船長餐廳 (已結業)

有一啲門面唔起眼嘅食店，其實原來係隱世得獎餐廳， 前兩日行去大角咀奧運站大同新村附近，朋友推介嘅“金船長餐廳”食晚餐，佢哋嘅食物以西餐為主，唔同嘅菜式都好好味，尤其是佢嘅得獎名菜“黑松露菌醬芝士pizza”，十分好味。黑松露菌醬芝士夾心pizza淡淡既黑松露醬味道非常香濃， pizza焗得非常香脆，店員介紹有多種食法，齋食pizza感受到滿滿黑松露既味道，又或者可以夾埋附上嘅 有機沙律菜，會變得清香， 而我就最中意添上自家製提子果醋一齊食，果醋帶酸帶甜味，令到pizza有多重口感。香煎法國鵝肝蘋果沙律3安士大大塊嘅鵝肝，外表煎得非常香脆，裏面就有軟軟嘅口感，外脆內軟，再加上蘋果醬同沙律菜，再配合附上嘅多士，食完都想即刻再encore。燒紐西蘭羊架一碟有三大件羊架，羊架七成熟，外表煎得金香，裏面帶一點紅，絕對剛剛好，而薯菜伴碟亦都好好味，羊架味道唔算蘇， 配合 黑椒汁或者薄荷醬都好好味。法式焗紐西蘭魚扒紐西蘭魚扒焗到金黃香脆，魚扒上面加有少許麵包糠而焗，令到表面好脆，而魚肉保持鮮嫩，呢個魚扒絕對有質素。原味梳乎厘最後我哋仲點咗兩個甜品，梳乎厘非常出色， 焗蛋白焗到非常鬆軟，而甜度剛剛好，