韓閣 (已結業)

食物方面，我哋嗌咗一份午餐五花腩炸醬麵、全日茶餐炸豬排跟雙蛋泡麵、雜錦紫菜包飯。炸醬麵嘅醬係水狀，麵條似伊麵，同韓國炸醬麵完全唔係同一回事。泡麵就真係泡到爛曬。雜錦紫菜包飯去到食曬以上兩樣嘢食都未出現就要求取消咗，等咗半個鐘。服務方面，係零服務。呢間餐廳係用QR code落單，希望入座時會俾埋QR code同埋會同客人講聲自行點餐，而唔係去到睇完餐牌舉手order先飛張QR code過嚟同話「自己落單」。唔講以為我得罪佢，真係飛張單埋嚟。我明白你哋無收加一服務費，但係基本禮貌都要有嘅。員工好似只有一個送餐姐姐工作咁，除咗飛過張qr code俾我哋之外，侍應都係企喺度傾計同迴避客人視線。最後離座去門口埋單詢問過韓閣呢間餐廳係咪集團經營，其實都係好奇問下，但係門口reception就起曬剛咁。總結，唔明白韓閣點樣開到3間分店，如果呢個出品就係你哋簡介中提及嘅「高質韓國美食」，希望你哋唔好再浪費食物。