影片
更多
2008-08-06
30 瀏覽
約左愛將、i am hungry同海獅睇Wall E，喺進入未來世界前就決定去拜訪感覺截然不同嘅金滿庭。但忙碌的海獅突然甩我地底，淨係睇戲咁話，所以得我地三個食。雖則係星期二，但仍然要等位。等緊時候就落左去同i am hungry睇電話同去左星巴克坐左坐。唻開銅鑼灣食野都好少唻到食通天，雖然有好多選擇但價錢唔平之餘，總係唔係太吸引到我，所以通常都係去返Sogo嗰面搵食。今日唻到食通天，發覺除左金滿庭之外，其他地方都唔駛等位咁濟。最後等左大約一個鐘先入得去。入到去地方好大，裝修都幾靚，我地三個人被編排左個好闊的卡位。配菜嘅小黃瓜幾爽脆，酸酸的好開胃，如果辣多少少就好啦。大家放左工都抑制唔住獸性，即使係平時好似好矜持的兩位女孩子們都豁出去，三個人不知不覺叫左七樣野。先唻三個頭盤。皮蛋豆腐同想像的差好遠。皮蛋少到好似冇，而肉鬆同榨菜太多搞到太咸，配料的比例太奇怪。豆腐唔夠滑，同埋如果加多D麻油會香D，係失望之作。山東手撕雞就幾好食。雞肉係大大片的手撕，肉質嫩滑，雞皮帶有少少油份，都幾香。味道唔會太濃，可以就咁食。有半隻大大碟的，好抵食。糖蓮藕我冇試到，但i am hungry話太甜，林bat
入到去地方好大，裝修都幾靚，我地三個人被編排左個好闊的卡位。配菜嘅小黃瓜幾爽脆，酸酸的好開胃，如果辣多少少就好啦。大家放左工都抑制唔住獸性，即使係平時好似好矜持的兩位女孩子們都豁出去，三個人不知不覺叫左七樣野。
先唻三個頭盤。皮蛋豆腐同想像的差好遠。皮蛋少到好似冇，而肉鬆同榨菜太多搞到太咸，配料的比例太奇怪。豆腐唔夠滑，同埋如果加多D麻油會香D，係失望之作。山東手撕雞就幾好食。雞肉係大大片的手撕，肉質嫩滑，雞皮帶有少少油份，都幾香。味道唔會太濃，可以就咁食。有半隻大大碟的，好抵食。糖蓮藕我冇試到，但i am hungry話太甜，林bat bat，係我地唯一食淨嘅野。
到D麵食點心。擔擔麵睇落好似好辣，但一D都唔係。個湯花生味唔夠濃，但最差都係個麵，太林冇咩咬口，比大角咀嗰間差。當然同鼎泰豐、好好、詠黎園的冇得比。蔥油伴麵D麵都係一樣有待改善，但味道非常之好! 味道唔係太濃，但仍然充滿蔥嘅香味。伴住炸過嘅同新鮮嘅蔥，比鼎泰豐的出色。最後的小籠包皮薄餡靚，但其實做得好的小籠包依幾年都好多，唔算話好特別。
最後一味係奶油津白。有奶油香味但唔似好多地方咁過於淡，味道調教得啱啱好。津白算係吸左奶油的味，好食。
總括唻講，食物還可以，但點心麵食仍比鼎泰豐略遜一籌，勝在更多元化，多D小菜。如果依間已經係食通天最受歡迎的一間食肆，咁平時去Sogo嗰面搵食睇唻都係明智的選擇。
張貼
