寿司の神 (已結業)

又到我張神出post寫食評。今晚特然有mood想食好嘢，有印象之前有報導嗰呢間日本餐廳唔差，就決定嚟一試。裡面環境好靜，我本人比較鐘意呢啲餐廳，我地揀咗係bar枱食，有一個師傅專門招呼我地，幾好，又同我地傾計。嘢食方面，可能小弟見識淺薄，第一次見到即磨嘅wasabi，已經覺得好特別，而前菜係日本嚟嘅生粟米同番茄，生粟米好正，超甜。而生蠔同天婦羅帶子係必要食的，生蠔好鮮甜。其餘推薦：左口魚 秋都魚 富山白蝦 子持洷蟹都要食。大家睇開我張神啲post都知我係比較著重服務嘅人，呢間絕對滿分，師傅願意同你分享心得，服務員又主動加水。呢間店值得推薦！