一糖 (屏山)

營業中

休息中

入嚟天水圍探朋友，同佢哋一齊食下午茶，佢介紹呢一間嘅甜品舖，位置有啲偏，唔識路都幾難搵到，揸車泊車比較方便。鋪頭外觀設計獨特，室內面積唔算大，但有好多戶外嘅空間。甜品選擇十分多，仲有咖喱魚蛋等小食，大人細路都啱。榴槤皇子，我最鍾意食榴槤有關的甜品，將榴槤肉放喺椰子入邊，兩種生果放一齊都幾特別，榴槤肉唔算特別多，但質素都OK，配上椰皇燉蛋白，強弱味到互相配合。朱古力心太軟配薄荷朱古力雪糕，我幾鍾意心太軟個脆皮，整體唔會太甜，賣相唔錯。生磨芝麻窩夫配曲奇雪糕，焗得酥脆，加棉花糖鋪面，賣相吸引，呢個窩夫可能係我食過最好窩夫之一，脆面薄身，食落似酥餅，因為皮薄，入口後馬上溶化，唔會癡喉嚨，亦唔會感覺太乾。梳乎厘紫薯的面有少少脆，唔會太甜，加紫薯軟硬配。