Burger Circus

營業中

休息中

是晚在中環SOHO一帶覓食, 見到呢間小店幾得意, 頗有外國風情, 裝修似在一架列車中開餐, 還有擺放行李的架, 實在太過癮, 不過可惜剛好我們無緣坐到咁有特色的座位, 反而係坐近門口的頹位, 張椅唔好坐, 會郁的, 仲好似隨時會反咁款, 枱上面又有隻蚊半死不活咁。因為唔係咁肚餓, 兩個人點一個餐, 揀左double act burger, 即係有兩塊肉的burger, 再加芝士、蕃茄、生菜, 個burger唔算大, 個包比一d 汁料浸到好淋, 口感不討好, 但生菜就幾爽脆。隨附的薯條新鮮炸起, 香脆, 又有薯味, 都唔錯。飲品加$25可轉milk shake, 叫左雲尼拿, 味道就似雲尼拿雪糕溶左咁既味, 好鬼濃郁又邪惡, 更邪惡係在面頭仲加一堆cream, 驚死你唔肥死咁!埋單加埋一每人都要一百, 性價比唔高, 同區有其他更好既選擇。呢度只係食氣氛, 試下就好。