影片
更多
2022-06-21
252 瀏覽
葵芳嘅丸十已經食過好多次，一直都覺得佢係一間水準好高嘅日本餐廳，今日行過見到佢出咗一啲新嘅菜式好似好吸引，所以就入咗去試新菜。今次嘅新菜式有石燒牛扒，大阪燒DIY，好似好過癮咁樣。叫埋每次嚟到必食嘅壽司拼盤，再加埋丸十嘅特色抹茶飲品。石燒牛扒我哋揀咗西冷牛扒，熱辣辣嘅石頭上面放咗一塊好肥美嘅西冷牛扒，啲香味不停咁湧出嚟，好香好香。我哋快快手影咗張相之後，就用刀叉切開一條條，驚佢煮得太老。切落去果一下就感覺到塊牛扒好冧，再點埋特製醬汁，非常好味。塊石頭實在太熱啦，後邊啲牛扒都差不多全熟。我哋以為會好靱，估唔到全熟都係咁冧咁好味，塊牛扒嘅質素實在太靚。大阪燒DIY好得意，我哋跟住個說明書先將大阪燒醬，椰菜攪勻，再放落去個煎pan度煎。最估唔到竟然配料入面有薯片，我哋放咗薯片響個面度，反轉塊餅，將薯片壓碎，再將芝士碎鋪面，咁芝士溶咗之後再加大阪燒汁，沙律醬，再將海苔曬響面，再放入木魚。雖然煎得個賣相唔係好靚，但食落去都好有大阪燒嘅風味，估唔到薯片配大阪燒係咁夾，又好玩又好食。壽司拼盤嘅帶子海膽好鮮甜，魚生好新鮮，保持一貫嘅水準。冷草莓抹茶拿鐵好特別，抹茶鮮奶裏面有士多啤梨蓉，又有得飲，又有食
葵芳嘅丸十已經食過好多次，一直都覺得佢係一間水準好高嘅日本餐廳，今日行過見到佢出咗一啲新嘅菜式好似好吸引，所以就入咗去試新菜。
今次嘅新菜式有石燒牛扒，大阪燒DIY，好似好過癮咁樣。叫埋每次嚟到必食嘅壽司拼盤，再加埋丸十嘅特色抹茶飲品。
石燒牛扒我哋揀咗西冷牛扒，熱辣辣嘅石頭上面放咗一塊好肥美嘅西冷牛扒，啲香味不停咁湧出嚟，好香好香。我哋快快手影咗張相之後，就用刀叉切開一條條，驚佢煮得太老。切落去果一下就感覺到塊牛扒好冧，再點埋特製醬汁，非常好味。塊石頭實在太熱啦，後邊啲牛扒都差不多全熟。我哋以為會好靱，估唔到全熟都係咁冧咁好味，塊牛扒嘅質素實在太靚。
大阪燒DIY好得意，我哋跟住個說明書先將大阪燒醬，椰菜攪勻，再放落去個煎pan度煎。
最估唔到竟然配料入面有薯片，我哋放咗薯片響個面度，反轉塊餅，將薯片壓碎，再將芝士碎鋪面，咁芝士溶咗之後再加大阪燒汁，沙律醬，再將海苔曬響面，再放入木魚。雖然煎得個賣相唔係好靚，但食落去都好有大阪燒嘅風味，估唔到薯片配大阪燒係咁夾，又好玩又好食。
壽司拼盤嘅帶子海膽好鮮甜，魚生好新鮮，保持一貫嘅水準。
冷草莓抹茶拿鐵好特別，抹茶鮮奶裏面有士多啤梨蓉，又有得飲，又有食士多啤梨肉，非常好味。
張貼
