馬祖 (將軍澳廣場) (已結業)

第一次去馬祖， 坦白講， 食物質素係ok嘅， 肉嘅品質唔錯，其他响自助吧攞嘅食物係大路嘢不過質素都唔差， 湯底都ok。但最最最大問題係枱與枱之間真係衰過大家樂， 逼到唔合常理， 完全無社交距離可言， 2張2人枱零距離就只靠一塊膠版隔住， 我以為自己食緊茶餐廳，响疫情期間去食真係食得唔係幾安心。搞到都無咩心情影相， 老公直頭話伏， 但我問心講食物質素係唔差， 只係坐得非常逼無咩防疫措施令食客食得有啲唔安心而已。