煌極 (MOSTown新港城中心(5期))

營業中

休息中

呢間開業起已經光顧，開頭各方面都唔錯，中期可以接受，但近期就比較難接受。而家食物方面都唔錯，丸類時好時唔好，但個雞煲同魚㷛都仲水準幾高，當然呢間價位算高佐少少，但考慮到開得夜都仲可接受。但過完新年再去，最surprise嗰部長話冇酒賣，要到樓上商場OK買，光顧兩次都係咁。今日一家人再去，問部長（嗰位瘦個子長髮）今日有冇酒賣，佢問我乜酒，我話有冇啤酒，佢又問我要乜啤酒，我話想知有冇啤酒賣陣間先叫，佢答我有，我已經心入面火火哋，忍住。嗰鷄煲到啦，問伙仔叫啤酒，回覆話冇酒牌叫我到樓上OK買，我當場想爆粗，點解個部長右話有呢？呢度食物一直都不錯，但服務態度越來越差。