咖吔

營業中

休息中

今日去將軍澳探朋友，知我鐘意食星、馬菜，於是佢哋提意東港城商場嘅Kaya 咖吔。我哋一行3人去到餐廳，店舖環境乾淨明亮，有少量植物做裝飾，令人感覺非常舒服。見午餐幾抵，我哋各自叫咗個午餐。新加坡白胡椒肉骨茶配香油雞飯 $92.-一大碗湯湯料多，排骨都有4大件，豬肚份量都唔少，稍嫌湯味略淡。油飯又香又軟熟，幾好食。新加坡喇沙 $82.-湯底味濃椰香味幾重偏辣，配料有蝦、魚蛋、魚片、豆卜及半隻流心蛋，蝦新鮮，魚蛋同魚片質感彈牙爽甜。慘慘煮得啱啱好，好食。巴東牛肉配班蘭椰漿飯 $80.-牛肉煮得軟腍入味，小魚乾及花生都香脆，比較驚喜係班蘭椰漿飯，熱辣辣嘅飯好軟熟，帶有清香嘅班蘭及淡淡嘅椰香味，非常好食。香茅青檸荔枝梳打 輕微青檸味嘅梳打水，勝在冰涼解渴。吉仔話梅水 (熱) 有吉味又有梅味，酸酸地幾好飲。美祿哥斯拉 (凍) 跟餐加 $12.-面層有美祿波波，美祿味濃，有得食又有得飲，幾好。