影片
更多
2016-07-07
1655 瀏覽
難得帶仔同公公婆婆飲茶，本身都無打算寫食評，但呢到既下午茶時段真係唔係好掂，真係忍唔住要反映下，等佢地自己公司有機會知又好？等其他人人打算去呢到飲下午茶前考慮下都好。舅父仔三點左右去到，已即時落定單，婆婆好鍾意呢到既檸蜜脆蛋散，我地叫左兩碟，的確名不虛傳，入口鬆化到你會想笑，真係做得好好味又唔會有油膩感，甜味適中，唔太甜，雖然我唔太食到係檸蜜味，不過絕對係呢到既必食點心。（由於本身無打算寫食評，所以食到尾先影相，得返一舊（≧∇≦））係我地正開心食蛋散之際，侍應姐姐拎住我地遞入既點心紙出黎話我地叫既所有炸物都無，即咸水角、春卷、炸雲吞都無，ok la，咁佢話薄「餐」要問下先知有無，其他我地叫既蒸點心都有，咁ok la。過左陣侍應姐姐返黎話有薄「餐」，咁唔該佢幫忙啦。隨後薄「餐」黎到，煎得外圈脆卜卜，中間又維持到軟糯感，我地都一至讚賞係少有酒樓造到既質素。然後我地見到隔離檯個xo醬炒蘿蔔糕好似唔錯咁想叫啦，填點心紙再加埋金莎千層糕，結果又係話無喇，連個部長自己都同同事講「學咩人做下午茶唧？乜鬼都話無，唔係一日半日架喎，日日都係咁，日日都不停要同啲客講無呢樣無個樣」去到呢到已經有啲忟，叫十樣
舅父仔三點左右去到，已即時落定單，婆婆好鍾意呢到既檸蜜脆蛋散，我地叫左兩碟，的確名不虛傳，入口鬆化到你會想笑，真係做得好好味又唔會有油膩感，甜味適中，唔太甜，雖然我唔太食到係檸蜜味，不過絕對係呢到既必食點心。
（由於本身無打算寫食評，所以食到尾先影相，得返一舊（≧∇≦））係我地正開心食蛋散之際，侍應姐姐拎住我地遞入既點心紙出黎話我地叫既所有炸物都無，即咸水角、春卷、炸雲吞都無，ok la，咁佢話薄「餐」要問下先知有無，其他我地叫既蒸點心都有，咁ok la。過左陣侍應姐姐返黎話有薄「餐」，咁唔該佢幫忙啦。隨後薄「餐」黎到，煎得外圈脆卜卜，中間又維持到軟糯感，我地都一至讚賞係少有酒樓造到既質素。然後我地見到隔離檯個xo醬炒蘿蔔糕好似唔錯咁想叫啦，填點心紙再加埋金莎千層糕，結果又係話無喇，連個部長自己都同同事講「學咩人做下午茶唧？乜鬼都話無，唔係一日半日架喎，日日都係咁，日日都不停要同啲客講無呢樣無個樣」
去到呢到已經有啲忟，叫十樣起碼有一半都無，然後又再等啦，等極之前比侍應姐姐張點心紙上面既蒸點心都未黎，唯有追下啦，妖，原來佢乜鬼都無幫我地落單，只落左薄「餐」，咁即刻叫部長幫我地落返啦，結果由於都四點喇，得返豬手同牛肉，咩腸粉、糯米卷、叉燒包等等全都無晒喇，又無～雖然嬲但都無計啦，唯有等埋個兩碟點心啦，等等下，就有個金髮扎馬尾既女侍應黎追埋單喇，我地話「啲野未黎齊喎」，佢就超晦氣咁話「仲差咩呀？」ok，講完之後佢就走去隔離檯追人埋單啦，阿嬸嬸話「你放底我張單去第二檯收先啦，我而家拎錢，你轉頭黎收啦」金髮阿姐粗聲粗氣咁話「個個比晒啦，差你咋」啲態度好到呢～過一陣佢又走埋黎催我地找數，我再講「啲野未黎齊呀，你一係追左你廚房先啦，我都唔想阻你落場呀」佢先收聲行開我地最後個兩個點心一到，佢緊係即走埋黎催我地找數啦，ok，食左比錢當然要啦，但佢又話喇「你地自己拎去櫃檯找啦」講真，我地的確係食得幾唔滿意架，又唔滿意佢態度啦，咪同佢講「我地要趕住食埋啲野，你拎張單埋黎收錢啦」，佢當然無得拒絕啦，最後找錢我真係想一蚊貼士都唔比，講真，野食質素係完全無問題既，有問題既係供應數量同某啲員工既問題唧，
坦白講，最後佢黎既豬手同牛肉都做得好味，豬手都炆得夠淋又入味，點心阿姐拎比我地時又有禮貌又好好人既，所以我點都會比返個正評，不過點心供應同某啲員工態度就真係要改善一下囉。叫十樣有起碼五樣都無關係，攪到我地要再去大快活tea；不過呢到既蛋散真係做得好鬆脆好味既，或者以後我買外賣算喇。同埋都仲有其他幾間酒樓。
張貼
