牛公館牛骨湯粉專門店

營業中

休息中

呢個舖位都轉過唔少餐廳，對上一間係食海南雞，海南雞再對上都係食牛湯，冇一間做得長。今次呢間餐廳新開無耐，就諗住入去試吓，咁一間主打食牛嘅餐廳，我當然要叫個咖喱牛腩，如果咖喱牛腩都唔得嘅，其他基本上唔使試。一見到咖喱牛腩，已經好失望，牛腩數量好少，而且全部都非常之柴，牛腩仲要係雪櫃攞出嚟未煮到好熱，肉的中間只係微暖，$56送個牛湯，呢個牛湯飲完之後係會口渴，估唔到主打食湯河嘅湯底飲完會咁口渴，唔係熬出嚟咩？似係預製湯底。見到同枱嘅對面嗌咗個崩沙腩賣相都已經唔得，所以呢間嘢唔會再食，預感應該好快又轉第二間餐廳