三川居酒屋 (已結業)

早兩日同老婆去銅鑼灣行街，dinner 去左呢間三川居酒屋，店內以木系裝潢，仲會播 d 懷舊日本名曲，個 feel 幾好～蒜蓉牛油燒蟶子，香氣四溢，鮮甜彈牙既蟶子配埋蒜蓉牛油既香味，味道一流！😋👍🏻三文魚腩三片，非常厚切，肉質超級肥美，沾少少 wasabi 醬油，入口即溶，夠晒甘香，超正！ 👀👏🏻厚燒牛舌，厚實而均勻，表面烤至微焦，內裡仍然嫩滑多汁，少少爽口，配上胡椒芥末和檸檬汁，更能提升其風味和口感～鹽燒日本和牛串，一入口就知一定係高級和牛！肉質非常鬆軟，又有足夠而平均嘅油脂，入口即化，超超超好味！😃👏🏻👍🏻酥炸甘蝦仔，係一道簡單而開胃既小食，隻隻蝦仔都炸到金黃酥脆撒上椒鹽，加埋沙律醬，真係食到停唔到口！👀燒花魚一夜干，肉質乾身而有嚼勁，帶有淡淡的海洋風味，nice～鰻魚牛油果加州卷，用新鮮的鰻魚同牛油果作為主要材料，蟹籽和木魚等配料，捲成一個飽滿的圓筒形，口感同味道都好豐富，唔錯 👍🏻柚子蜜，柚子味好香甜，好飲 👀非常飽足及滿意既一餐，食材新鮮，分量足夠，服務態度好，環境舒適，值得推介 😃👏🏻