影片
更多
2023-03-13
577 瀏覽
呢間餐廳之前都寫過Reviews，今次又冇叫乜嘢特別嘢食，本來想唔寫。不過兩樣嘢令我覺得都值得同大家分享：今日中午喺同一個商場嘅另一間食肆，兩個人食咗$440 ，不過今餐五個人先食咗$466 。加上今日其中一個小朋友不嬲食嘢都好慢，竟然喺60分鐘用膳時間內都未食完，有個職員行埋嚟話要埋單交枱，我心諗可唔可以寬容一啲呢？由於兩餐飯人均值同埋感覺都好唔同，所以決定寫一寫。今餐其中兩個日本朋友一大一細都叫咗呢度嘅招牌牛油拉麵，可惜冇影到相。朋友話餐廳用嗰啲牛油同日本人用嘅唔同所以味道冇咁好。加上佢話日本嘅叉燒要慢煮幾個鐘先好食。小朋友食哂啲麵，但係嗰兩片叉燒淨係咬咗一啖。我叫咗燒鯖魚+豬肉弁當，份量足夠，鯖魚唔腥又唔會煎到乾晒，豬肉味道啱啱好，入面啲洋蔥煮到又淋又甜，超正。除咗啲白飯之外，我連配菜都食清光。😂姑媽叫咗吉列豬扒＋蒲燒鰻魚弁當，價錢比我嗰個貴$10，份量仲少啲，佢話好味連啲飯都食晒，但係我都係覺得我嗰個抵食啲。另一個日本小朋友叫咗炸雞肉定食，就係佢食得太慢，60分鐘用膳時間都未食完。小朋友食慣媽咪整嗰啲炸雞，話啲呢度啲雞雖然好味，不過炸粉太厚。😂因為要交枱所以要外賣番屋企食。😥其
今日中午喺同一個商場嘅另一間食肆，兩個人食咗$440 ，不過今餐五個人先食咗$466 。加上今日其中一個小朋友不嬲食嘢都好慢，竟然喺60分鐘用膳時間內都未食完，有個職員行埋嚟話要埋單交枱，我心諗可唔可以寬容一啲呢？由於兩餐飯人均值同埋感覺都好唔同，所以決定寫一寫。
今餐其中兩個日本朋友一大一細都叫咗呢度嘅招牌牛油拉麵，可惜冇影到相。朋友話餐廳用嗰啲牛油同日本人用嘅唔同所以味道冇咁好。加上佢話日本嘅叉燒要慢煮幾個鐘先好食。小朋友食哂啲麵，但係嗰兩片叉燒淨係咬咗一啖。
我叫咗燒鯖魚+豬肉弁當，份量足夠，鯖魚唔腥又唔會煎到乾晒，豬肉味道啱啱好，入面啲洋蔥煮到又淋又甜，超正。除咗啲白飯之外，我連配菜都食清光。😂
鯖魚豚肉定食
$82
44 瀏覽
0 讚好
0 留言
姑媽叫咗吉列豬扒＋蒲燒鰻魚弁當，價錢比我嗰個貴$10，份量仲少啲，佢話好味連啲飯都食晒，但係我都係覺得我嗰個抵食啲。
鰻魚吉列豬扒定食
$92
34 瀏覽
0 讚好
0 留言
另一個日本小朋友叫咗炸雞肉定食，就係佢食得太慢，60分鐘用膳時間都未食完。小朋友食慣媽咪整嗰啲炸雞，話啲呢度啲雞雖然好味，
不過炸粉太厚。😂因為要交枱所以要外賣番屋企食。😥
炸雞肉定食
$82
17 瀏覽
0 讚好
0 留言
其實今餐都有叫日式煎餃子，不過都係冇影到相。😅
我一向都覺得呢度啲嘢好味夾抵食，不過今日呢個用膳時間已到而要「外帶」都係第一次。😥
張貼
