影片
更多
2022-06-17
385 瀏覽
唔知有無人去過mk間bhc @bhc_hongkong （以下內容請留意）•*¨*•.¸¸☆*･ﾟ［長文慎入］.ᐟ.ᐟ.ᐟ.ᐟ.ᐟ.ᐟ.ᐟ.ᐟ佢d芝士粉係真係正嘅唔會好似芝士醬咁漏會有少少sourcream 咁酸酸甜甜忍唔住一啖接一啖但係炸雞調味偏鹹有d似超重口味嘅大排檔調味［服務態度］.ᐟ.ᐟ😢😡🥵但係我來左兩次兩次都有非同凡響嘅服務體驗令到我就算有陣想食都卻步第一次 （大約5年前）有位侍應執隔離檯個陣打瀉咗個醬落地下d醬汁就彈到去我地將檯 同埋我頂帽到但個侍應一句對唔住/唔好意思都無默默執翻個醬兜然後走左做人嘅基本禮貌都無 真係好無言於是叫左經理來睇下佢會唔會換過d食物或者睇下有咩補救方法 始終d汁都唔知彈到幾多去野食上面 而且d汁係隔離檯食剩落來嘅廚餘點知呢位女經理態度更令人無言唔怪得員工都係差唔多 （講緊令人無言程度）真係一山還有一山高我地同完經理簡單講下件事之後佢就淨係講左一句：「咁我依家幫佢講返對唔住喇 請問你有無咩其他問題」態度係唔係幾耐煩咁 好似我地阻佢時間咁 佢一d唔好意思都無 我地就同佢反映翻我地唔係想比麻煩 但係你地嘅服務態度真係唔得 整污糟客
•*¨*•.¸¸☆*･ﾟ［長文慎入］.ᐟ.ᐟ.ᐟ.ᐟ.ᐟ.ᐟ.ᐟ.ᐟ
佢d芝士粉係真係正嘅
唔會好似芝士醬咁漏
會有少少sourcream 咁酸酸甜甜
忍唔住一啖接一啖
但係炸雞調味偏鹹
有d似超重口味嘅大排檔調味
［服務態度］.ᐟ.ᐟ😢😡🥵
但係我來左兩次
兩次都有非同凡響嘅服務體驗
令到我就算有陣想食都卻步
第一次 （大約5年前）
有位侍應執隔離檯個陣打瀉咗個醬落地下
d醬汁就彈到去我地將檯 同埋我頂帽到
但個侍應一句對唔住/唔好意思都無
默默執翻個醬兜然後走左
做人嘅基本禮貌都無 真係好無言
於是叫左經理來睇下佢會唔會換過d食物或者睇下有咩補救方法 始終d汁都唔知彈到幾多去野食上面 而且d汁係隔離檯食剩落來嘅廚餘
點知呢位女經理態度更令人無言
唔怪得員工都係差唔多 （講緊令人無言程度）
真係一山還有一山高
我地同完經理簡單講下件事之後
佢就淨係講左一句：
「咁我依家幫佢講返對唔住喇 請問你有無咩其他問題」
態度係唔係幾耐煩咁 好似我地阻佢時間咁 佢一d唔好意思都無 我地就同佢反映翻我地唔係想比麻煩 但係你地嘅服務態度真係唔得 整污糟客人仲要無道歉 要客人受氣係咩意思 佢就再噠左一句「咁你地想點？」我地都無謂再對持…
然後結論係 最後淨係送左一罐汽水比我地
唔係話我地客人大過天 但係既然我地話左問題比你聽 就係想要解決方法 你可以提議「咁洗唔洗換某d食物比你地？/ 唔好意思啊 我會同員工講下 我係度講返對唔住！真係唔好意思」
***（利申 我都做過飲食野兼職 呢d野連普通兼職都考慮到 你身為經理 點會講出咁嘅嘢）
總之呢次我地真係食左成肚氣走 成餐都無胃口再食 三個人叫左個個platter set但係剩低一半😶🌫️😶🌫️😶🌫️
——————-———————-———————-—
至於第二次 相隔五年
lum住比多次機會佢
今次去 見唔翻呢位女經理 很好！
心裡鬆左一啖氣 期望呢餐食得舒服d
試翻同一個餐
睇menu見到有隻味叫Gold King
但係又無好似其他味咁有解釋佢係咩調味
就lum住叫侍應來問下
我：「請問咩叫Gold King？」
年輕男侍應：「我都唔知wor！」
（然後企定定望著我）
…
一聽到本身已經呆左
本身期望佢就算比呢個答案呢個態度我都算
會去幫我問下其他同事
但係… 無啊啊啊啊啊啊啊！
佢就咁企係度
我忍唔住話：「咁你可唔可以幫我問下？」
佢先去！
btw Gold King 係豉油口味
只可以話 對於呢間餐廳🍴真係每次去每次都有唔同驚喜
@bhc_hongkong 如果餐廳員工可以再三細選 咁應該會再多d生意 因為多過一隻手嘅朋友都同我討論過bhc 旺角分店的一d員工態度真係唔得 令到佢地都唔會再幫襯受氣！
張貼