海天花園酒家

營業中

休息中

放工前臨時約咗班同事食飯，其中一位同事想食海鮮，於是一行七人入咗屯門，由於上兩次去咗容龍，於是今次揀去海天，入去前打電話去訂位兼問埋如果要打牌，係咪可以訂房，佢哋話可以，只係比多 $100，不過要 11:00pm 前走，大家覺得都好，因為第日要返工，諗住冇所謂，但係去度，佢哋竟然話三樓滿晒（有冇攪錯，佢哋當我哋係傻仔傻女呀，星期二嚟架，而且剛才問過話有房架），咁算啦，因為既然嚟到，再搵地方，啲海鮮就唔新鮮，最後我哋都座咗係度，等咗半個鐘頭（正常時間），但係之後啲食物係一次過上晒，我哋因為擔心啲海鮮凍咗唔好食，所以食得好急，總共用咗半個鐘就食完，煮得唔好食，服務又差，講咗下次唔會再去。辣酒煮花螺芝士焗龍蝦豉汁煮蟶子王海鮮湯　（每人得一細碗，唔甜，容龍好味好多，人哋夠鮮甜）蒜蓉蒸蚌已經講好咗下次去容龍或布袋澳！