皇室冰廳 (已結業)

早排見到有人喺社交平台上面介紹過呢一間皇室冰廳，而且我知道呢一度主要都係平民價錢，不過食物質素好好，於是今日就同屋企人過咗嚟呢度食晚飯！果然，夜晚嘅時間都算好多人，不過唔駛等好耐就可以入座啦！叫咗一份我好鍾意食嘅椒鹽豬扒！呢一度嘅椒鹽豬扒亦都好好食，椒鹽嘅味道好香，而且呢個豬扒煎得啱啱好！同埋呢個椒鹽一齊食真係好正！少少辣辣地嘅味道，非常香口！另外就係呢一度嘅招牌菜，就係呢一個招牌焗鮮茄豬扒飯！呢一個焗飯係炒飯底，好正，而且上面嘅鮮茄味道好香，酸酸甜甜咁好醒神！