海饌 - 海鮮牛扒餐廳 (Fashion Walk) (已結業)

最近同fd行完銅鑼灣，唔知食咩好經過Fashion Walk既美食街就試下。第一次去Fashion Walk既美食街，發現有好多好有feel又特別既餐廳，最終選擇左【Coast Seefood & Grill】。餐廳有一半室外一般室内座位，氣氛好好。我自己對海鮮過敏，所以就無咩點叫海鮮。 泰式羽衣甘藍燒牛肉沙律：本身覺得羽衣甘藍偏硬，但係餐廳將佢切細，所以好容易入口。另外再加左青瓜、洋葱其他沙律菜，搭配酸辣既泰式醬汁又幾match幾開胃。另外燒牛肉都好嫩。 香蒜橄欖油浸墨魚片：本身以爲係凍既，點知係熱，蒜味超濃、另外仲有炸蒜片，蒜頭控超滿足。雖然好多橄欖油，但完全唔覺得油膩，而墨魚片好軟霖。 茴香烤羊仔柳拌鷹嘴豆泥醬配中東烤餅：個人大推呢款，比較少地方食得到。羊仔柳超級霖，完全無羊騷味，鷹嘴豆泥醬好多加左少少herbs，搭配埋中東烤餅好正。 法芥醬忌廉燴黃油春鷄配中東烤餅：法芥醬忌廉醬有少少似葡汁，黃油春鷄皮脆肉嫩。D醬配埋中東烤餅真係停唔到口。 熱檸蜜：好似餐廳menu無，不過好潤喉，好適合冬天。 整體覺得餐廳食物好特別，而且價錢都算ok，推薦朋友聚會。