影片
更多
2018-09-08
489 瀏覽
有理由懷疑甘多好評係做馬！！唔單止野食唔好食，衛生仲奇差！首先講食物質素。午餐，兩個人，各叫左一碗3餸酸辣粉+蒜泥白肉，埋單$155酸辣粉：小辣係完全唔辣唔酸，絕對唔係酸辣粉應有既味道，微辣就更加係清水甘既味。試左既餸有豬紅、豬皮、豬耳、牛肉、木耳、雞翼，無一樣係稱得上好味之餘，只係介乎難食同普通之間，當中雞翼更加係又淋又無味兼肥多過肉！蒜泥白肉：未食過甘難食既蒜泥白肉，啲肉又厚又「鞋」！全碟都係質素差既豬肉。其實如果淨係野食難食，都未至於令我要打人生第一篇食評去公開批評佢。但佢既衛生同店員態度真係極之過分！！事源係我剛剛開始食既時間，有個肥妹店員突然開風扇，個風扇就好似落雨甘彈曬啲水花落我身上+我碗粉入面。我出聲話：「滴水呀！」另一個阿嬸店員先叫肥妹店員熄返把風扇。個阿嬸店員仲話：「無野既，剛剛洗完風扇啫」隔左一陣我都真係食唔落果碗粉，出聲再話：「但頭先啲水花彈曬落我碗粉度」但個肥妹店員仲惡過我甘死撐：「啲水乾淨架！我剛剛喺度（指住個洗手盤）洗完咋嘛」。阿嬸店員又幫口：「係呀，洗完風扇未乾先彈水花啫，無事架，只係啲清水黎」佢地既回答真係好無知！試問把風扇乾淨既又有咩需要洗？用清水洗完
唔單止野食唔好食，衛生仲奇差！
首先講食物質素。午餐，兩個人，各叫左一碗3餸酸辣粉+蒜泥白肉，埋單$155
酸辣粉：小辣係完全唔辣唔酸，絕對唔係酸辣粉應有既味道，微辣就更加係清水甘既味。
試左既餸有豬紅、豬皮、豬耳、牛肉、木耳、雞翼，無一樣係稱得上好味之餘，只係介乎難食同普通之間，當中雞翼更加係又淋又無味兼肥多過肉！
蒜泥白肉：未食過甘難食既蒜泥白肉，啲肉又厚又「鞋」！全碟都係質素差既豬肉。
其實如果淨係野食難食，都未至於令我要打人生第一篇食評去公開批評佢。但佢既衛生同店員態度真係極之過分！！
事源係我剛剛開始食既時間，有個肥妹店員突然開風扇，個風扇就好似落雨甘彈曬啲水花落我身上+我碗粉入面。
我出聲話：「滴水呀！」另一個阿嬸店員先叫肥妹店員熄返把風扇。
個阿嬸店員仲話：「無野既，剛剛洗完風扇啫」
隔左一陣我都真係食唔落果碗粉，出聲再話：「但頭先啲水花彈曬落我碗粉度」
但個肥妹店員仲惡過我甘死撐：「啲水乾淨架！我剛剛喺度（指住個洗手盤）洗完咋嘛」。
阿嬸店員又幫口：「係呀，洗完風扇未乾先彈水花啫，無事架，只係啲清水黎」
佢地既回答真係好無知！試問把風扇乾淨既又有咩需要洗？用清水洗完就乾淨？彈出來既水花係食得？！
仲要把風扇係無客要求佢開。而且成件事佢唔單止無換過碗粉/退錢，仲要一句「唔好意思」都無！！
一間連樓面店員面對食客時都可以甘無衛生常識既食肆，我真係好懷疑佢背住客人時既衛生程度係如何！
張貼