影片
更多
2013-02-03
111 瀏覽
昨天星期六，小弟和女朋友想出街搵野食下，本身想食用北角間壹碗麵，可惜已經執左，好懷念佢d闊麵。咁於是響openrice搵搵下就睇到呢間青藏牛肉麵，誰不知。就此踏上一吐氣之路。去到店門口，咩都唔洗諗就入去試下，一位女店員就安排我倆入座。說時遲那時快。電光火石之間，該女店員手中的豉油突然應聲跌下，我和女友都未反應得來咩事。原樽豉油經已跌在地上，油花四濺。女友本能反應嗌左一聲：［呀。。。。］。幸好，女友穿黑絲襪，豉油對佢影響唔大，但係，原來女友的手袋響用餐後才發現都被油花擊中。小弟就無咁好彩，腳上皮鞋被豉油濺中。講到呢到，其實都只係幾秒間既事。店中另一店員B立即拿紙巾出來，我原以為是遞給我倆清潔，但小弟看著該女店員B眼神只看著始作俑者女店員。。。於是小弟伸出可憐的小手，乞求幾張紙巾清潔。B店員方才憐憫我倆給予幾張紙巾我們清潔。。。。。講到呢到，小弟既心情已經跌了一半，但一場黎到，姑且食埋碗麵先走人。。。我倆坐低後，跌油女店員一直自顧自地清潔，一眼也沒有看我倆，亦絲毫無講聲唔好意思既打算。其實小弟都明白可能真係唔小心跣手跌油，都無打算話去追究D咩。但係可怕既說話便來。。。開放式廚房中既廚師問跌
咁於是響openrice搵搵下就睇到呢間青藏牛肉麵，誰不知。就此踏上一吐氣之路。
去到店門口，咩都唔洗諗就入去試下，一位女店員就安排我倆入座。說時遲那時快。電光火石之間，該女店員手中的豉油突然應聲跌下，我和女友都未反應得來咩事。原樽豉油經已跌在地上，油花四濺。女友本能反應嗌左一聲：［呀。。。。］。
幸好，女友穿黑絲襪，豉油對佢影響唔大，但係，原來女友的手袋響用餐後才發現都被油花擊中。小弟就無咁好彩，腳上皮鞋被豉油濺中。講到呢到，其實都只係幾秒間既事。店中另一店員B立即拿紙巾出來，我原以為是遞給我倆清潔，但小弟看著該女店員B眼神只看著始作俑者女店員。。。於是小弟伸出可憐的小手，乞求幾張紙巾清潔。B店員方才憐憫我倆給予幾張紙巾我們清潔。。。。。
講到呢到，小弟既心情已經跌了一半，但一場黎到，姑且食埋碗麵先走人。。。我倆坐低後，跌油女店員一直自顧自地清潔，一眼也沒有看我倆，亦絲毫無講聲唔好意思既打算。其實小弟都明白可能真係唔小心跣手跌油，都無打算話去追究D咩。但係可怕既說話便來。。。
開放式廚房中既廚師問跌油女店員點解咁唔小心，女店員立即語帶相關地說：唔關我事架。。。。
喂大佬，我黎食碗麵架咋，你支豉油唔通係我跣落地下架咩。。。。女店員既說話比我感覺係為免被責怪，而將責任推落客人身上。。。。而全程女店員都沒有瞄過我們一眼自顧自地清潔地下，亦完全沒有半點打算同我地講聲唔好意思。
好嗱，兩碗青藏牛肉麵黎到，女友已經打眼色比我（食完好走）。小弟就低頭默默吃麵。
真心講，麵係好味道，湯底有少許藥材味道。牛肉薄薄一片，沒有鬆肉粉味道。
可是，小弟遭遇一生中吃麵期間遇到最不被尊重的一刻。過門都係客。我黎食碗麵姐，你跌樽豉油講聲唔好意思咪算囉。
點解要屈我地撞跌你樽豉油呢????點解要黑面對客人呢??
所以，敬請各位看官，如果想去食麵，敬請留意以下幾點：
1)請穿著深色衣服，豉油彈到輕鬆洗去污垢
2)請小心女店員，遠離任何店員
3)唱定散錢去埋單，因為一蚊TIPS都唔好比
4)請勿穿露趾鞋，否則變豉油鳳爪
5)除非你想鍛練EQ,否則可以考慮移玉步食其他麵
青藏牛肉麵，你地咁做生意。唔得架。
張貼