峰G館

營業中

休息中

本身女女今日要返幼稚園，但老公話想帶女女去玩，叫她請假唔好返。結果他今日自己一個一早就出街看電影，看電影後又要剪頭髮，又係得返我地兩母女。同女女搵節目，首選又係食啦🤣😅帶女女去筲箕灣東大街食早餐。以前係星島返工時，真係看住東大街的變遷。宜家再黎，很多舖位都變曬新面孔。今次同女女黎左峰G館，雖然食的野都係同冰室差不多，但裝修幾有型格，食物亦有特色。為食女女選了雪山菠蘿包配朱古力雪糕黑牛，其實就係看中左雪糕。我試左少少雪山菠蘿包，外邊烘到熱辣辣，裡面凍冰冰又真係好正。我就要黑松露菠蘿包同沖繩海鹽雪糕白牛，黑松露份量多，炒蛋超滑溜，好好味。另外點了份公司三文治，即叫即製，熱辣辣，材料豐富，食完一定飽肚。特別想讚下樓面哥哥仔，服務超好，又落力介紹餐牌，好有禮貌。