今日呢度lunch，枱面已經有1本main menu、4本weekend special menu，QR落完單後一位男侍應過黎收menu，屋企人同佢講想留一本main menu，男侍應就講左句呢度都係得一本main menu啫，完全唔明講呢句野用意係咩，成個感覺係比人串，其實擺低本memu就得啦，無求你應個好字。食個過程，果個男侍應好似好趕時間咁成日黎收碗碟，我覺得都正常，但可以比多少少禮貌，想客人幫手收遠啲既吉碗碟或者想客人讓開d比你收可以出聲，乜都唔講黑口黑面就咁遞隻手出黎，比完你又無唔該，欠左你？食完問佢呢度埋單定出面，又係完全無回應就咁走左去，大佬呢個問題黎，基本應下都好，攞到張單黎話你張單一早印左出黎啦，點？覺得自己好醒？真心騎呢到一個點！
食物有驚喜，冬蔭公湯份量好少、菠蘿炒飯好鹹、粟米蟹餅無乜蟹肉，但算，我覺得還可接受但無下次
以上食評乃用戶個人意見 , 並不代表OpenRice之觀點。
讚好
用餐日期
2025-11-15
用餐途徑
堂食
人均消費
$200 (午餐)
