影片
更多
2019-09-19
1061 瀏覽
呢一日，本身想等隔離街既小店食飯chill下，又驚等好耐，就落咗detour呢間coffee shop試下。（最後我地都有去返本身想食既餐廳到，想睇可以去我profile搵）-大部份客人都係外國人，既然外國人都黎呢到，應該有佢過人之處！-【Beef Sandwich】其實一直係香港都食唔到好好味既sandwich，呢個beef sandwich要讚！佢個法包鬆化得黎唔會太乾，而且有麵包香。而中間個牛肉，仲有芝士同唔知咩，我已經唔記得咗，佢juicy得黎唔會太過濕而影響個包既質感，入面既香草都帶到點點的層次感。令我回想起係美國食過既sandwich。我曾經講過，美國人淨係識食包，牛肉，芝士，或者將佢地夾埋一齊。我要收返，包，係好高深嫁。-【Avocado Toast】店員送錯咗既包，簡單得黎好味，又係看似簡單，但又一樣都不能少之作。-【店員】讚完野食，講返店員。朋友既經歷唔係幾好，我代佢分享返。我同朋友入到去想叫野食既時候，一個長髮香港女仔店員一直都唔係好想彩我地。因為店員一直都講英文，咁我都同佢講英文，呢一點係絕對無問題既。而我朋友英文可能說話方面無咁流利，係明顯知道店員係聽得明廣東
（最後我地都有去返本身想食既餐廳到，想睇可以去我profile搵）
-
大部份客人都係外國人，既然外國人都黎呢到，應該有佢過人之處！
-
【Beef Sandwich】其實一直係香港都食唔到好好味既sandwich，呢個beef sandwich要讚！
佢個法包鬆化得黎唔會太乾，而且有麵包香。
而中間個牛肉，仲有芝士同唔知咩，我已經唔記得咗，
佢juicy得黎唔會太過濕而影響個包既質感，入面既香草都帶到點點的層次感。
令我回想起係美國食過既sandwich。
我曾經講過，美國人淨係識食包，牛肉，芝士，或者將佢地夾埋一齊。
我要收返，包，係好高深嫁。
-
【Avocado Toast】
店員送錯咗既包，
簡單得黎好味，又係看似簡單，但又一樣都不能少之作。
-
【店員】
讚完野食，講返店員。朋友既經歷唔係幾好，我代佢分享返。
我同朋友入到去想叫野食既時候，一個長髮香港女仔店員一直都唔係好想彩我地。
因為店員一直都講英文，咁我都同佢講英文，呢一點係絕對無問題既。
而我朋友英文可能說話方面無咁流利，係明顯知道店員係聽得明廣東話既情況下，朋友以廣東話落單，
而店員既面色一直都好差，而且使用英文回答我既朋友。一個中文一個英文咁。
-
跟住，誤會就黎啦。
我地等咗一段時間，朋友點既BRUNCH PLATE來了，
店員放咗碟食物係我身旁，用廣東話同我講，唔好意思頭先好忙。
好啦你又用返廣東話，我都無所謂既。
而朋友就覺得有d古怪啦，BRUNCH PLATE點解得一樣野，
但因為佢對店員既印象已經有點麻麻，自己英文又唔好，會唔會有咩誤會呀，
不過因為同樣有avocado，所以佢覺得，應該無錯既，就無追問，照食。
-
就快食完既時候，女店員突然走埋黎，同我地兩個講，
呢個唔係你嫁喎。態度好似想怪我地食錯咗人地碟野咁。
我朋友就呆一呆，同佢講，我頭先都覺得奇怪，不過我照食咗，唔緊要啦我食埋佢。
女店員就，哦，就走開咗。完全無打算say sorry，或者suggest退返差價比我朋友。
因為呢段唔多愉快既經歷，我地total係detour呢間coffee shop留咗無20分鐘就走咗。
-
總結，可能呢間coffee shop既主要target係外國人，可能店員唔suppose會有一個英文唔流利既香港人去食野，
所以就發生d咁既事，但我希望店員可以尊重返唔同既人客會有唔同既需要。
我會打咁多字去係openrice呢個平台分享呢件事，唔係希望大家唔去detour食野，佢地既野食係值得一試既，
我係希望店員可以將心比己，諗下應該要點對待客人，講唔講中文有無比錯野食退唔退錢根本唔係重點，
重點係，尊重呀。
張貼
