KiKi麵店 (K11 Musea)

營業中

休息中

kiki麵曾經一度成日成為派手信/搶購的熱潮😝 不過之後被其他品牌爬頭🤷🏻‍♀️ 之後就默默沉下去 雖然係香港開埋實體店 但可能因為唔係非常有特式😂 所以都唔算太多人去幫襯 呢日我地兩個小編同友人行過想入去飲杯野🍹 見唔算太多人 就順便問下可唔可以剩係入去坐低飲野 員工話可以 到落order 的時候 佢要我地點都要野食 我地就問清楚係咪一定要叫野食先可以入黎座 佢剩係答你地叫少少野食會好D 而且叫一樣唔得 要叫兩樣😐 其實有最低消費可以清楚講聲/寫明 我地唔介意 但入之前問左 仲要迫人叫幾樣😑 我覺得呢個位唔係咁好 需要改善 問員工又唔答 呢個服務扣晒分👎🏻 就算食物好都無用 應該唔會有下次❎椒麻雞🌶️🐔 ($68)椒麻味好濃郁 但唔會好辣 怕辣🌶️的朋友都可以試 而且雞🐔都幾嫩滑 唔會有好多碎骨 不過份量偏少伯爵戚風蛋糕配黑糖珍珠🎂 ($68)呢款甜品幾驚喜😱 戚風蛋糕的口感鬆軟同有少少濕潤 食落散發住伯爵茶香 加上香濃既奶茶醬同黑糖珍珠 呢個配搭無得輸 不錯👍🏻