韓台站

營業中

休息中

食物上菜一刻，我地成家人呆咗。嗰刻內心嘅震撼同矛盾非墨筆可以形容曬⋯⋯⋯大家望吓張相。呢個一個手掌打開咁闊嘅煲仔，裡面裝住一啲奶白色嘅水，同浮起得3嚿嘅餃子同年糕片，價值$46。 is that a joke？ 我諗一定有人話：屋村商場仔嘅餐廳，要求唔好咁高啦～ 但唔係咁㗎嘛，當你從一開始做生意掛「韓式、台式料理」做招徠，顧客自然有所期待，希望食到啲同「嗱喳」快餐唔同嘅食物。個湯淡而無味，似係平時自己喺屋企白烚公仔麵時剩下嘅湯麵水咁嘅味，餃子一食就食到係急凍即食餃，而啲年糕，係同個湯唔夾嘅。 佢地好似陌生人被迫盲婚啞嫁，煮嗰刻先知道要勉強起埋一齊，尷尷尬尬咁⋯仲有，配菜都冇，至少，年糕湯，正常係有蔥、洋蔥、蛋絲或海帶之類嘅嘢襯托，但呢煲嘢，係零配菜，感覺係將餃子年糕白烚後放埋一齊算嘅喳流攤之作。同樣嘅價錢，食物質素不如去幫襯其他小店，so sad。