重慶燒燒烤旗艦店 (已結業)

中秋夜，幾個好朋友睇完戲揾地方hea，因為唔想飲酒，但又想坐低吹下水，所以嚟咗文英街，可惜食開嗰間大連燒已結業算啦，求其揾間坐低食少少嘢，不用咁揀擇，終於就嚟咗呢間重慶燒，女伙計好nice、好好傾，但食物味道就一般，尤其燒羊架，簡直燒到well done 全熟，靭到咬極都咬唔開，白白浪費了四件羊架我們把其中一碟載著咬唔開的羊架遞給男伙計，並告訴他太靭，伙計只是說：「哦，燒得太熟呀？」唉其他食物都沒甚特別，不是難吃，但絕非美味，但現在租金貴、人工貴，求其不過不失就算，但好唔鍾意兩個伙計車輪轉咁提我們01:15 last call，第一round都未嚟齊，我典知是否需追加？最大鑊是每每同朋友傾得興起，就有人來打住我們話題，前後足足5次，到我們好肯定說唔再加單，又再次煩我們先埋單，好騒擾