影片
更多
2021-12-02
283 瀏覽
LUNCH 突然好想食雞, 記得呢條街好似有間食海南雞, 就一支公去左食。店內地方好大, 2人枱都幾闊。咁我一個人, 咁岩D 細枱俾人坐晒, 侍應俾個勁大6人枱我坐! 哈哈, 我冇所謂, 咁闊又舒服。呢間店專食海南雞, 當然都有其他食物, 好似豬手, 雞煲等等, 酸菜魚等等! 我叫左海南雞白飯, 因為本身唔喜歡油飯個種好油既感覺。佢好快就俾左一碗湯同一杯熱水我。其實場內有點污濁既感覺, 地下都有D 油, 但佢會俾熱水我洗野, 呢個加返分啦! 個湯都幾熱既, 味道都唔錯, 都有幾舊青蘿蔔食。海南雞好快就到, 因為切出黎吧。佢都擺得幾靚既, 白飯一邊, 海南雞疊得幾整齊一邊, 加一小撮用白醋醃過既白紅蘿蔔, 再加十幾粒花生。白紅蘿蔔我喜歡, 酸味味, 我仲想食多D; 花生都夠脆, 最怕係D 放左好奈軟晒既花生; 海南雞, 佢做到滑既感覺, 真係唔錯, 個醬佢都配得好, 除左甜豉油, 個辣汁係得, 酸甜辣, 我喜歡既。整體個雞係好唔錯, 而且真係平, $48 連湯+熱飲, 呢個真係抵食, 係環境有D 污濁既感覺!但如果想食海南雞, 都會想食返佢, 而且又咁平!
店內地方好大, 2人枱都幾闊。咁我一個人, 咁岩D 細枱俾人坐晒, 侍應俾個勁大6人枱我坐! 哈哈, 我冇所謂, 咁闊又舒服。
呢間店專食海南雞, 當然都有其他食物, 好似豬手, 雞煲等等, 酸菜魚等等! 我叫左海南雞白飯, 因為本身唔喜歡油飯個種好油既感覺。
佢好快就俾左一碗湯同一杯熱水我。其實場內有點污濁既感覺, 地下都有D 油, 但佢會俾熱水我洗野, 呢個加返分啦! 個湯都幾熱既, 味道都唔錯, 都有幾舊青蘿蔔食。
海南雞好快就到, 因為切出黎吧。佢都擺得幾靚既, 白飯一邊, 海南雞疊得幾整齊一邊, 加一小撮用白醋醃過既白紅蘿蔔, 再加十幾粒花生。
白紅蘿蔔我喜歡, 酸味味, 我仲想食多D; 花生都夠脆, 最怕係D 放左好奈軟晒既花生; 海南雞, 佢做到滑既感覺, 真係唔錯, 個醬佢都配得好, 除左甜豉油, 個辣汁係得, 酸甜辣, 我喜歡既。
整體個雞係好唔錯, 而且真係平, $48 連湯+熱飲, 呢個真係抵食, 係環境有D 污濁既感覺!
但如果想食海南雞, 都會想食返佢, 而且又咁平!
張貼
