熺會館

營業中

休息中

今日同朋友出尖沙咀行街，行到食晚飯嘅時間就去咗之前食過幾次嘅熺會館打邊爐😋我覺得餐廳嘅環境都幾好，座位又大又舒服。就算好多人一齊食飯都唔覺得迫夾。真係幾岩三五知己喺度食飯傾偈！每一次嚟都係叫鴛鴦湯底。今次都唔例外。其中一邊係川式麻辣鍋。呢個會辣到去喉嚨😋，但又十分滋味。對佢真係又愛又恨。另一個係蕃茄薯仔牛腩鍋。佢個蕃茄同薯仔味非常濃郁，加埋牛腩係入面，令到湯嘅鮮味更突出。我自己本人比較鍾意蕃茄薯仔牛腩鍋！深海池魚刺身。賣相超靚！而非常大盤。池魚爽口彈牙，而且魚肉非常厚身。咬落口真係啖啖肉！味道非常鮮味。真係令人食完一舊又一舊，停唔到口😋熺會館四寶餃 。每一次嚟到都係必食嘅嘢之一！全部都係自家製，所以食材非常新鮮。食落口非常多汁。味道鮮味。值得推介！熺會手打四寶丸 。呢個都係自家製。份量非常充足。四寶丸肉質爽口彈牙。味道鮮美。超正！除咗呢啲之外，我哋仲叫咗鹿兒島日本黑豚肉，椒鹽一口豆腐同泰式凍鳳爪。呢啲嘢食全部都好好味。喺呢度食飯真係食極都唔厭！