影片
更多
2024-06-23
125 瀏覽
尋晚落旺角食飯，因為我有個朋友出哂名係「路痴」一名，所以約佢去旺角食飯都搵間方便就腳嘅俾佢😂「嗱！旺角地鐵站E1出口，直行見到馬路唔駛過，轉左，之後一直行，過完馬路繼續行，留意吓左邊啦，間餐廳叫囍囍川菜烤魚燒烤」果然，收咗線📞之後佢識得搵路嚟到。所以話，有時搵間就腳易搵嘅餐廳都好重要架。知我個朋友鍾意食魚，我就特登叫咗個「酸菜鱸魚」，呢個係唔辣嘅版本，因為我哋都一致認為想呷真啲個酸度，結果冇令我哋失望，個酸度拿捏得好準確，唔會搞到食唔到條魚本身係咩味。鱸魚🐟肉質偏嫩滑，又有魚嘅香甜味道，加上酸菜同芫茜嘅香氣。整體嘅講，呢個「酸菜鱸魚走辣」係水準之作。另外，我哋仲嗌咗「雙椒魚頭」，一上枱就非常搶眼，青🟢紅🔴雙色，食落去更加係鮮辣可口、刴椒🌶️香氣四溢，入口帶有微微香辣感覺，亦因為魚頭夠入味，先至唔會俾刴椒搶哂風頭。而我自己比較鍾意食串燒，呢度嘅串燒🍡都非常之好食。尤其燒牛肉串，燒豬頸肉，燒雞腳筋都好出色，亦都唔會細細份咁樣，係足料嘅，價錢又公道，唔怪得知每枱都幾串幾串咁嗌啦。下次我再嚟嘅話我最想試埋佢哋個乾鍋，雞雜同肥腸都好想食，攞嚟送啤酒🍻應該好爽。餐廳四正闊落，乾淨企理，坐得又舒服。我
「嗱！旺角地鐵站E1出口，直行見到馬路唔駛過，轉左，之後一直行，過完馬路繼續行，留意吓左邊啦，間餐廳叫囍囍川菜烤魚燒烤」
果然，收咗線📞之後佢識得搵路嚟到。所以話，有時搵間就腳易搵嘅餐廳都好重要架。
知我個朋友鍾意食魚，我就特登叫咗個「酸菜鱸魚」，呢個係唔辣嘅版本，因為我哋都一致認為想呷真啲個酸度，結果冇令我哋失望，個酸度拿捏得好準確，唔會搞到食唔到條魚本身係咩味。鱸魚🐟肉質偏嫩滑，又有魚嘅香甜味道，加上酸菜同芫茜嘅香氣。整體嘅講，呢個「酸菜鱸魚走辣」係水準之作。
另外，我哋仲嗌咗「雙椒魚頭」，一上枱就非常搶眼，青🟢紅🔴雙色，食落去更加係鮮辣可口、刴椒🌶️香氣四溢，入口帶有微微香辣感覺，亦因為魚頭夠入味，先至唔會俾刴椒搶哂風頭。
而我自己比較鍾意食串燒，呢度嘅串燒🍡都非常之好食。尤其燒牛肉串，燒豬頸肉，燒雞腳筋都好出色，亦都唔會細細份咁樣，係足料嘅，價錢又公道，唔怪得知每枱都幾串幾串咁嗌啦。下次我再嚟嘅話我最想試埋佢哋個乾鍋，雞雜同肥腸都好想食，攞嚟送啤酒🍻應該好爽。
餐廳四正闊落，乾淨企理，坐得又舒服。我哋兩個一路食魚，一路吹水講吓笑，開心其實就係咁簡單👍
酸菜鱸魚
5 瀏覽
2 讚好
0 留言
雙椒魚頭
2 瀏覽
0 讚好
0 留言
雙椒魚頭
7 瀏覽
0 讚好
0 留言
張貼
