豊勝手丼 (已結業)

呢幾日真係熱到人都溶，星期日約左好姊妹行Sogo, shopping之前先去醫肚，太熱關係，大家都二話不說要食日本野，既然在附近，咁就去豊勝手丼大家點左幾樣一齊share食：蟹肉茶碗蒸：蟹肉蟹籽都幾多，蒸得滑嫩鮮味，又有蛋香味吉列炸蠔：每隻炸到金黃色，所以好酥脆，蠔大大隻好鮮甜🤤勝手丼即日本車仔飯，咁就點左個海之幸丼，總共有7款刺身，每款都好新鮮及有光澤，厚切拖羅油分充足，赤蝦爽口、三文魚子粒粒爆汁，海膽甘甜豐盛壽司盛盒(12貫):一次過可以滿足不同口感，食材非常新鮮，見到長長星鰻壽司，真係好吸引，就好似食左一餐好豐富omakase