和氣食堂 (河畔花園)

營業中

休息中

朋友搬新屋，趁住得閒就上佢屋企玩，玩完再一齊食野。朋友係刺身控，我就想食鰻魚飯，所以去咗居酒屋。餐廳食物種類豐富，睇完menu揀咗軍艦、壽司、刺身同鰻魚丼。三文魚有光澤，口感細膩、活赤貝壽司肉質有彈性，唔錯！軍艦5點包括海膽、三文魚籽、香蔥拖羅碎、蟹膏甜蝦同埋蟹膏帆立貝。同朋友share嚟食，大家都食到自己鍾意嗰款四點刺身盛包括三文魚刺身、章紅魚薄切、廣島蠔刺身同甜蝦刺身，因為食材新鮮，所以款款都幾高質特選鰻魚丼食落香口，而且醬汁份量恰到好處，啱我口味。