影片
更多
2023-01-17
8170 瀏覽
幾年冇食日式放題啦，今次同男友嚟到旺角「大瀛喜日本料理」食返個午市放題由中午12點食到3點，餐廳面積好大座位多，2人被安排坐4人座位，空間足夠，座位舒適星期一至五成人收費$228, 小童$168臨近新春佳節收費會稍有調整==========QR Code落單，提供刺身，壽司，手卷，串燒，燒物，炸物，天婦羅，一品料理，創意料理及煮物另設有自助區提供沙律，水果，前菜，炸物，熱食，湯品，咖啡，軟雪糕，包裝雪糕雪條，凍飲品 (罐裝汽水，茶類，Somersby蘋果酒，嘉士伯，Asahi啤酒等)，仲貼心的提供熱飲 (紙包維他奶，豆奶，罐裝薑母茶等)==========🔹自助區凍蝦微彈帶鮮；雞腎爽口帶麻辣香蒜蓉炒西蘭花：煮得夠時間，蒜蓉味重泰式鳳爪：甜酸比例佳，帶芫茜香京蔥拖羅蓉塔：拖羅質素不錯牛油果沙律塔：夠creamy香芒龍蝦沙律塔：芒果香甜多汁，龍蝦肉鮮味菓子及糯米磁外皮煙韌甜度適中；朱古力慕絲及木糠布甸甜度不高==========🔹刺身三文魚肥美；赤蝦厚肉鮮嫩；北寄貝爽鮮；帶子微甜泰式虎蝦：鮮甜，泰式酸汁味道佳油甘魚：鮮味柔潤，帶豐富油脂感，第二round有再order😗希靈魚：新鮮不帶腥吞
由中午12點食到3點，餐廳面積好大座位多，2人被安排坐4人座位，空間足夠，座位舒適
星期一至五成人收費$228, 小童$168
臨近新春佳節收費會稍有調整
==========
QR Code落單，提供刺身，壽司，手卷，串燒，燒物，炸物，天婦羅，一品料理，創意料理及煮物
另設有自助區提供沙律，水果，前菜，炸物，熱食，湯品，咖啡，軟雪糕，包裝雪糕雪條，凍飲品 (罐裝汽水，茶類，Somersby蘋果酒，嘉士伯，Asahi啤酒等)，仲貼心的提供熱飲 (紙包維他奶，豆奶，罐裝薑母茶等)
==========
🔹自助區
凍蝦微彈帶鮮；雞腎爽口帶麻辣香
蒜蓉炒西蘭花：煮得夠時間，蒜蓉味重
泰式鳳爪：甜酸比例佳，帶芫茜香
京蔥拖羅蓉塔：拖羅質素不錯
牛油果沙律塔：夠creamy
香芒龍蝦沙律塔：芒果香甜多汁，龍蝦肉鮮味
菓子及糯米磁外皮煙韌甜度適中；朱古力慕絲及木糠布甸甜度不高
==========
🔹刺身
三文魚肥美；赤蝦厚肉鮮嫩；北寄貝
爽鮮；帶子微甜
泰式虎蝦：鮮甜，泰式酸汁味道佳
油甘魚：鮮味柔潤，帶豐富油脂感，第二round有再order😗
希靈魚：新鮮不帶腥
吞拿魚：帶點筋膜有嚼頭
==========
🔹壽司及手卷
三文魚腩壽司鮮美；柚子油甘魚腩壽司，以柚子的酸中和了魚油的微膩；海膽手卷細細件唔會太飽
仲有期間限定：藍鰭金槍魚壽司，燒鹽醬和牛肩胛壽司，和牛細嫩帶不錯的牛香
鵝肝壽司：甘甜軟滑，壽司飯灑上黑白芝麻夠香口，誠意之作🥹
壽司飯軟硬適中帶點醋香
==========
🔹創作料理
花之戀：細細件，加上蛋黃醬夠滋味
煙三文魚玉子燒：煙燻味重，加上沙律醬中和了煙三文魚的鹹香🫰🏻
鰻魚玉子燒：加芝士在鰻魚上味道好夾🫶
==========
🔹燒物及串燒
蟹王蒜蓉粉絲蒸扇貝：扇貝大隻厚肉味道鮮甜，蒜蓉夠香份量多😋
孜然風碳烤羊鞍：羊鞍脂肪比例不高，肉嫩帶羊味，男友鍾意😌
西京燒銀鱈魚：外皮焦脆，魚肉鮮味脂香重，蘸上蛋黃醬可中和微膩感，值得encore😍
鹽燒牛舌：甘香有嚼勁
燒有機新鮮菠蘿：鮮甜多汁
黃金醬燒海虎蝦：蝦面加上芝士及沙律醬，蝦肉爽彈，非常滋味🤤
==========
🔹炸物及一品料理
蟹粉扒豆苗有菜味
金牌紅燒乳鴿皇：紅燒味道突出，油膩感低，肉質嫩滑，非常有水準💯
榴槤炸彈：炸至金黃色，外皮香脆乾身口感軟糯，榴槤餡豐富🤤
==========
整體用餐體驗非常滿意，提供食物種類包羅萬有
食材新鮮，水準符合預期，個別食物有驚喜；將食物整到細細件，令客人可以試多幾款，夠貼心
全程冇出現漏單情況，上菜及收碟速度快，餐廳管理及系統均完善
加一後每人平均$250, 性價比真係好高，絕對係放題的好選擇😼
張貼
