麻辣串串香 (已結業)

非常美味的串燒店，食材十分新鮮，即叫即燒，送啤酒一流！前菜叫了麻辣豬耳及皮蛋。辣度不高但香口。皮蛋是黄金色的，問老闆說叫金牛鴨皮蛋，第一次食，覺得特別彈牙。好，到叫串燒！老闆推介燒扇貝同露筍秋刀魚卷，唔諗咁多，即叫！另外仲叫左一大堆串燒，雞翼，雞軟骨，茄子，牛舌，羊等等...扇貝同露筍秋刀魚卷先上枱，燒扇貝甜甜地應該加左D醬料，本身食材都好鮮味，配埋蒜頭真係一流。露筍秋刀魚卷我等一次見，一試難忘，估唔到會咁襯，秋刀燒到脆卜卜，加埋露筍，又香又好食，口感一流！必試！雞翼，雞軟骨，茄子，牛舌，羊等等全部都好好食，羊肉好林又有汁，食得出係好既食材。見佢有酸辣粉就叫左碗，不過不失，比較上串燒出色好多。叫酸辣粉時我地叫左多芫茜，老闆好細心咁留意到，轉頭送左碟燒芫茜俾我地食，我地真係覺得好開心呀！燒芫茜真係好好味，仲要有汁。我地一向食呢類串燒都好鍾意食燒蔬菜類，真係好出色。提一提，佢個茄子都好好食。臨尾加多客燒菠蘿，寫上完美的句號。有時間一定會約朋友再幫襯！！