食咩鮮

營業中

休息中

觀塘呢區嘅工廈真係隱藏住好多美食，所以幾乎每次嚟都有驚喜，最近又畀我發掘到間取名「食咩鮮」嘅外賣店。睇咗佢哋嘅 IG，原來店舖主打惹味住家菜，每種食材都經過嚴格篩選配搭，用料上乘，啱晒有要求嘅朋友。點咗牛柳焗意粉 同 雞皇焗飯 各一，睇下個 Packing 幾靚仔，每個飯都以一個鋁錫兜裝住，再用紙盒獨立包裝，既衛生又企理。意式爆茄厚切牛脷焗飯，牛脷厚切，肉質彈牙，食落好有咬口。醬汁應該係用咗新鮮蕃茄製作，入口酸甜度啱啱好，配埋米粒分明嘅蛋炒飯一齊食，味道一流！原來個蛋炒飯係用金鳳米配日本蛋炒出嚟，唔怪得飯粒煙韌軟糯，蛋香十足，即刻昇華焗牛脷嘅層次！另外呢盒拉絲芝士白汁雞皇焗飯，賣相亦超吸引，雞件非常嫩滑，食落雞味好濃郁，啖啖肉，很滋味。白汁超 Creamy，舀起仲有拉絲效果，加埋墊底嘅蛋炒飯，真係無得輸，口感勁豐富。兩個飯都好正，唔單止食材優質，而且用料講究，絕對係物有所值。餐廳而家做緊新年優惠，外賣自取即可享全單7折；即場讚好埋佢哋嘅 FB 或 IG 專頁，更可獲贈精選小食一客，咁著數，千祈唔可以錯過。