麵屋一平安 (已結業)

「麵屋一平安」一直都係我嘅食拉麵之選，久不久點都會食一次，鍾意餐廳嘅食物夠親切、夠真我，唔會有什麼花巧，講求的係食物本身嘅味道！大概早排新裝修過，美麗華分店比尖東店餐廳環境更舒適更清潔，而食物選擇亦多一點、套餐優惠一點。今晚3人就點了一個拉麵二人套餐、另一碗拉麵 & 炒野菜。雖然二人套餐好幾款菜式都要加錢，但其實都一樣更優惠！二人套餐選擇 ——軟殼蟹拉麵(+$10)：呢款拉麵第一次食，湯底與拉麵一樣保持水準，配上膏香脆脆嘅軟殼蟹，另有一番滋味，正！滑蛋豬扒飯：朋友一直愛戴一平安嘅滑蛋豬扒飯，佢鍾意唔會過份多汁，豬扒又新鮮！三文魚刺身：雖然不算好多，但新鮮取勝。炸八爪魚球：炸的比燒的更香、感覺更特別。特製豉油豬骨湯拉麵：湯底取勝，好味！炒野菜：無咩特別，一樣ok！都係嗰句「麵屋一平安」已係我心目中嘅拉麵餐廳一定地位，久不久一定會到訪一次！