影片
更多
2023-03-21
238 瀏覽
餐廳環境大，坐得舒服，當日我地兩個人，安排左我地坐既卡位好闊落而且唔會好嘈。菜式比傳統酒樓新穎，而且見到D套餐都幾抵食，但眼見想食既菜式無提供餐就散叫左。餐廳主打手機落單，如果食套餐就會叫店員幫手落單。坐低開壺玄米茶(茶芥$12/位)飲，玄米味濃而且回甘味重，飲落喉嚨好C服。雞絲粉皮($58)，配料夠，麻醬夠香而且粉醫夠凍夠滑，撈勻後食清爽，開胃一流。花膠爵士湯($48/位)，湯水以花膠、螺頭、瘦肉、雞腳燉，湯色水清澈無乜油，入口飲落清甜味濃，湯料份量好多，幾抵飲。螞蟻上樹($98)，粉絲加入肉碎、蝦乾等配料再加入辣豆瓣醬炒成，以石鍋上菜令粉絲溫度保持到，防止粉絲凍左而變硬痴埋一舊。粉絲食落乾身，調味味道適宜，帶小小辣，惹味飽肚之選。黃金四季豆($88)，四季豆無渣，每條四季豆都裹滿左咸蛋黃，豆外炸皮薄薄地，食落香脆，令成個菜式香口不少。黑松露賽螃蟹($98)，蛋白炒得夠滑，除左蛋白外加入左元貝仔同蝦仁，加入黑松露後令菜式香氣更上一層樓，可惜調味輕手左食落較清淡，勝在蛋白、海鮮份量都好多，兩個人食唔哂。黃金海鮮炒飯($118)，白飯加入元貝仔同蝦仁，以咸蛋黃炒成，炒飯食落夠乾身，份量多
菜式比傳統酒樓新穎，而且見到D套餐都幾抵食，但眼見想食既菜式無提供餐就散叫左。
餐廳主打手機落單，如果食套餐就會叫店員幫手落單。
坐低開壺玄米茶(茶芥$12/位)飲，玄米味濃而且回甘味重，飲落喉嚨好C服。
雞絲粉皮($58)，配料夠，麻醬夠香而且粉醫夠凍夠滑，撈勻後食清爽，開胃一流。
花膠爵士湯($48/位)，湯水以花膠、螺頭、瘦肉、雞腳燉，湯色水清澈無乜油，入口飲落清甜味濃，湯料份量好多，幾抵飲。
螞蟻上樹($98)，粉絲加入肉碎、蝦乾等配料再加入辣豆瓣醬炒成，以石鍋上菜令粉絲溫度保持到，防止粉絲凍左而變硬痴埋一舊。粉絲食落乾身，調味味道適宜，帶小小辣，惹味飽肚之選。
黃金四季豆($88)，四季豆無渣，每條四季豆都裹滿左咸蛋黃，豆外炸皮薄薄地，食落香脆，令成個菜式香口不少。
黑松露賽螃蟹($98)，蛋白炒得夠滑，除左蛋白外加入左元貝仔同蝦仁，加入黑松露後令菜式香氣更上一層樓，可惜調味輕手左食落較清淡，勝在蛋白、海鮮份量都好多，兩個人食唔哂。
黃金海鮮炒飯($118)，白飯加入元貝仔同蝦仁，以咸蛋黃炒成，炒飯食落夠乾身，份量多，咸蛋黃味同調味略嫌差小小。
整體黎講餐廳菜式做法比傳統酒樓新穎，價錢唔貴而且份量大碟，除左小菜眼見好多食客都叫左海鮮、碌鵝等等比較特別既食物，賣相望落都唔錯，值得帶屋企人黎試下。
張貼
