食得好

營業中

休息中

同幾個朋友放工去了銅鑼灣這間食得好私房菜食晚飯，餐廳在維園附近，地方不大，只有三四圍大枱，如果人多基本上可以包場。食物方面，餐廳有多款招牌菜，客人可以自行制定餐單或是選擇餐廳套餐。古早錦鹵雲吞點解要加古早落去？因為真係好多年都無見過這個超足料的雲吞，甜酸醬汁裏面有豬潤、叉燒、蝦仁、菠蘿及三色椒等材料，真係餸比汁多，雲吞皮炸得香脆，裏面還有些蝦肉餡，酸酸甜甜，十分開胃。片皮鴨片皮鴨名乎其實只食鴨皮，但現今很多的片皮鴨是皮連肉，完全食唔到個精髓，話返轉頭，這個片皮鴨非常正宗，師傅手藝高超，只片皮不連肉，片片一樣無多無少，而麵皮更是自家製，以火爐熱著，不至冷卻影響口感，加上爽脆青瓜、京葱及海鮮醬，整個片皮鴨香脆，風味十足。豉椒牛肉煎米粉看似簡單的茶餐廳炒粉麵，但在這裏的師傅手上卻製作出別有一番風味，米粉煎至香脆，不會大乾及太硬，淋上豉椒牛肉，豉汁的香味及牛肉汁令米粉增添口感。椰汁雪糕紅豆冰一杯好味的紅豆冰最主要的材料紅豆一定要大粒及煲得軟腍，但又不能散爛，而這個紅豆冰完全符合以上的所有條，紅豆香甜軟腍，每粒飽滿，有淡淡椰汁香味，而且又不會太多冰。