影片
更多
2025-06-20
256 瀏覽
中午過黎試下佢個set lunch，本身都食到好地地，可惜當我諗住加甜品嘅時候就食到成肚氣。（其實好小事，但係就令人着火）$98包飲品，可以加小食/甜品就$128,$148。本身驚自己食唔晒所以食完主食先叫甜品，事源我食完主食就問女店員，可唔可以加個甜品，佢話可以，咁我就加左，之後等左10幾分鐘出左個好大份嘅甜品，男店員想擺低但佢應該feel到唔係set入面既細size，應該落單個女店員落錯。之後我total等左30分鐘左右先比到個岩size 嘅甜品我。最嬲既位就係，有另一個男店員行過嚟同我講，「下次你落單一次過落晒，如果唔係我哋啲單好麻煩」。我話哦我真係唔知呀。聽完之後啲火就上晒黎，我等甜品等左30分鐘我中途都冇催過你哋，你落錯單要我等耐咗，你仲要比說話我聽？我之後問返個女店員，甜品係咪唔可以分開落單，佢話佢都係岩岩先知道唔可以。（我估佢應該新手唔熟？）其實如果你講「唔好意思，頭先同事落錯左個甜品，要再整過比你，可能要等耐小小」既話，我完全唔會嬲唔會介意，你之後再解釋返原來唔可以分開落單，女同事唔知道，今次照幫你落左，下次要一次過落。你可以先表達歉意再解釋。咁我聽落去就會舒服好多，而
本身都食到好地地，可惜當我諗住加甜品嘅時候就食到成肚氣。（其實好小事，但係就令人着火）
$98包飲品，可以加小食/甜品就$128,$148。
本身驚自己食唔晒所以食完主食先叫甜品，
事源我食完主食就問女店員，可唔可以加個甜品，
佢話可以，咁我就加左，
之後等左10幾分鐘出左個好大份嘅甜品，
男店員想擺低但佢應該feel到唔係set入面既細size，
應該落單個女店員落錯。
之後我total等左30分鐘左右先比到個岩size 嘅甜品我。
最嬲既位就係，有另一個男店員行過嚟同我講，
「下次你落單一次過落晒，如果唔係我哋啲單好麻煩」。我話哦我真係唔知呀。
聽完之後啲火就上晒黎，我等甜品等左30分鐘我中途都冇催過你哋，你落錯單要我等耐咗，你仲要比說話我聽？
我之後問返個女店員，甜品係咪唔可以分開落單，佢話佢都係岩岩先知道唔可以。
（我估佢應該新手唔熟？）
其實如果你講「唔好意思，頭先同事落錯左個甜品，要再整過比你，可能要等耐小小」既話，我完全唔會嬲唔會介意，你之後再解釋返原來唔可以分開落單，女同事唔知道，今次照幫你落左，下次要一次過落。你可以先表達歉意再解釋。
咁我聽落去就會舒服好多，而唔係一黎就blame我。
又或者一開始落單就話我知，甜品冇得後加，咁我就唔會難為你地啦。（咁但係呢個冇計啦，鬼叫你同事又唔知，我又係客點會知）
所以話，講嘢語氣同技巧呢啲嘢真係好緊要。
就算你做到店長都未必做得好。
2212 瀏覽
37 讚好
0 留言
張貼
