煌極 (MOSTown新港城中心(5期))

營業中

休息中

難得放假，夜晚9點幾見餓餓地，又唔想全日留係屋企，專登約左兩個朋友出去食宵夜。又唔想出咁遠，近近地朋友屋企附近有得食烤魚，梗係要試下啦。除左烤魚，呢度仲有得食雞煲。最後一致決定食烤魚😂條魚好大條，一上台幾驚食唔晒，因為仲叫左好多配料。條魚煎到金黃色，食落肉質好滑。脆炸枝竹（入口脆到卜卜聲）超級鮮甜既蠔丸好彈牙，牛肉脂肪分佈好平均口水雞（雖然賣相不太好，但味道非常好，雞好入味，唔太辣，啖啖肉，配啤酒簡直一流）魚皮餃真係好好食，平時食開皮厚少餡，呢度岩岩相反，皮簿多餡，食到停唔到口，不得了真係。整體價錢都合理，食物新鮮好食，服務員態度好，但成日唔見人。不過下次再黎馬鞍山會再黎食宵野