拉麵Jo (已結業)

嗌左份丼飯set，溫溫的唔熱。牛肉好少及乾身，食完面頭幾塊發現下面嘅飯完全冇淋到汁，純粹只係high到啲顏色，根本冇味。問可唔可以比啲牛丼汁，比左好鹹嘅豉油，都將就食完。中途有肚痛一次，但係冇唸多又繼續食。結算發現有加一，都唔緊要，但係好討厭加一仲要添零，咁自把自為嘅？幾毫子當跌左都唔緊要但憑乜嘢理所應當落你袋？食完番去中途又痛過幾次，但都冇唸過係呢間嘢嘅問題。之後就斷斷續續痛左成兩粒鐘......一開始都唔sure係咪腸胃問題，個肚又絞唔停，之後先發覺係食物未消化完痾唔出局住痛，兩個鐘消化完痾清就唔痛了。幾個鐘內都只食過呢餐，真係冇辦法有其他懷疑對象了。唔會再黎，都唔會叫身邊朋友黎，咁差真係遲早執笠！