可可豬海南雞專門店 (寶榮大廈) (已結業)

連續食左兩餐自助餐，要清清腸胃，不如食外賣海南雞。收工黎左呢間炮台山可可豬海南雞。呢度除左外賣，想堂食都得，有幾個位坐。特色梛香海南雞飯 $43黎得可可豬海南雞，海南雞就係必叫既！今次既海南雞係雞胸肉同雞翼，雞有雞味，皮有彈性，加埋特製甜醬，好味道。海南雞下面就係份量好多既梛香飯，梛香味香濃兼非常濕潤。伴碟就清減左，配有兩塊青瓜同半粒車厘茄。藥膳醉雞配白飯 $53今次第一次試呢個藥膳醉雞。酒味聞落好濃，但係食落就唔覺。雞肉大概有六件，都係雞髀肉，食落都滑不過肥膏多。麻辣牛展 $32加錢要左個小食，叫左麻辣牛展。牛展大大塊有8件，有咬口。辣度都唔算特別辣。生菜 $22加錢要左個菜。生菜加左豉油調味。