影片
更多
2020-03-25
44 瀏覽
疫情日漸嚴重，所以決定食埋呢餐好嘢之後就閉關啦。去左充滿黃店嘅白布街，去到佢有幫我哋check體溫，有一次性嘅餐具，入面仲有可以聲稱淨化空氣消毒既air mask. Waiter仲話每一個鐘頭會清潔一次門口既手柄(個waiter 勁熱情，係咁介紹呢樣個樣). 呢一間火鍋同普通火鍋唔同係首先會食一大煲蜆！蜆係海鮮，啱曬我呢啲怕肥人士！我地叫咗招牌蜆鍋，有啲辣椒同埋蒜頭係個湯度，所以都有啲辣。蜆的確有部分係有d沙/開唔到既，但係好足料，個waiter話有成三斤喎！之後就加湯打邊爐，叫左安格斯肥牛，好好食！佢睇落去有啲厚度以為會有啲硬啦，但其實係好嫩好soft嘅我地冇再叫其他海鮮，因為已經食咗蜆，反而叫咗花膠筒，唔係細細隻嗰啲花膠仔，係大大件原隻花膠筒，我覺得98蚊有6大隻，都抵食！最後我哋仲叫左四寶丸同埋菜，呢個煲湯底唔係肥嘅湯，本身冇咩油，只係我地打邊爐有肥牛先有油，所以就算你淥菜都唔會覺得吸咗好多油。可以打邊爐，但又唔會覺得好邪惡，都幾唔錯！
呢一間火鍋同普通火鍋唔同係首先會食一大煲蜆！蜆係海鮮，啱曬我呢啲怕肥人士！我地叫咗招牌蜆鍋，有啲辣椒同埋蒜頭係個湯度，所以都有啲辣。蜆的確有部分係有d沙/開唔到既，但係好足料，個waiter話有成三斤喎！
之後就加湯打邊爐，叫左安格斯肥牛，好好食！佢睇落去有啲厚度以為會有啲硬啦，但其實係好嫩好soft嘅
我地冇再叫其他海鮮，因為已經食咗蜆，反而叫咗花膠筒，唔係細細隻嗰啲花膠仔，係大大件原隻花膠筒，我覺得98蚊有6大隻，都抵食！
最後我哋仲叫左四寶丸同埋菜，呢個煲湯底唔係肥嘅湯，本身冇咩油，只係我地打邊爐有肥牛先有油，所以就算你淥菜都唔會覺得吸咗好多油。可以打邊爐，但又唔會覺得好邪惡，都幾唔錯！
張貼
