食神車仔麵

營業中

休息中

元朗我都食過好多間車仔麵 今日經過呢間 咁見佢用食神做鋪名 應該唔會難食 期望很高。一行入舖頭。店舖黑鼆鼆。衛生環境一般。招呼亦都唔周到。見到有落單紙。便自己剔。食車仔麵都係食嗰啲嘢 期望係新鮮 獨特 價錢相宜。叫咗價值$17嘅肥牛，響鈴，魚皮餃，牛丸。 $17嘅肥牛 $17得嗰好似手指尾咁大塊嘅肥牛一塊。響鈴 完全係罐頭響鈴 又唔新鮮 又唔脆口。魚皮餃牛丸 平時喺超市買到嘅質素 冇驚喜。埋單$85。食咗都唔知食咩落肚 咁嘅食材 自己煮都煮到㗎啦。同其他元朗車仔麵根本冇得比 一間冇誠意嘅車仔麵檔 冇下次