影片
更多
2022-10-08
199 瀏覽
《Winner Burger - 太子》位於太子嘅呢一間漢堡包店其實成日都行過，不過因為座位比較少，次次一見到多人就諗住下次先再去食，終於比我有一日見到人流唔係好多，可以慢慢坐喺度嘆漢堡包😆我同其他朋友平時出街好少食Burger，因為好驚食到成手都係而且整污糟件衫，不過我呢一位朋友本來都論論盡盡又肯陪我食burger，大家都唔怕污糟😂我哋兩個每人都點咗一個餐，只要購買任何漢堡包加$18就可以升級做套餐，套餐會有多一個小食同埋一罐罐裝飲品，比起散叫其實化算d💁🏻♀️黑松露煙肉牛堡 $88 +$18 升級套餐 跟白提子汁及蕃薯薯條朋友叫嘅呢個黑松露煙肉牛堡真係好澎湃😂即叫即整熱辣辣，一打開個包裝啲汁同芝士流晒出嚟😱好彩餐廳有比手套我哋咋，如果唔係實食到成手都係😎黑松露汁同芝士融合咗之後好惹味，牛肉漢堡扒都算幾厚身，佢嘅煙肉唔係平時我哋食嗰種超市煙肉，質地比較厚同埋唔會死咸👍🏻偷食咗一啖的確係唔錯😋蕃薯薯條都係我哋兩個鍾意食嘅嘢，用嚟點去個芝士黑松露汁就唔會浪費咗喺個包度流出嚟既汁啦😆💁🏻♀️芝士菠蘿雞堡 $68+$18 升級套餐 跟無糖可樂及青山炸雞🍗^_^相比之下，我呢個芝士菠蘿雞堡比較
位於太子嘅呢一間漢堡包店其實成日都行過，不過因為座位比較少，次次一見到多人就諗住下次先再去食，終於比我有一日見到人流唔係好多，可以慢慢坐喺度嘆漢堡包😆我同其他朋友平時出街好少食Burger，因為好驚食到成手都係而且整污糟件衫，不過我呢一位朋友本來都論論盡盡又肯陪我食burger，大家都唔怕污糟😂我哋兩個每人都點咗一個餐，只要購買任何漢堡包加$18就可以升級做套餐，套餐會有多一個小食同埋一罐罐裝飲品，比起散叫其實化算d
💁🏻♀️黑松露煙肉牛堡 $88
+$18 升級套餐 跟白提子汁及蕃薯薯條
朋友叫嘅呢個黑松露煙肉牛堡真係好澎湃😂即叫即整熱辣辣，一打開個包裝啲汁同芝士流晒出嚟😱好彩餐廳有比手套我哋咋，如果唔係實食到成手都係😎黑松露汁同芝士融合咗之後好惹味，牛肉漢堡扒都算幾厚身，佢嘅煙肉唔係平時我哋食嗰種超市煙肉，質地比較厚同埋唔會死咸👍🏻偷食咗一啖的確係唔錯😋蕃薯薯條都係我哋兩個鍾意食嘅嘢，用嚟點去個芝士黑松露汁就唔會浪費咗喺個包度流出嚟既汁啦😆
💁🏻♀️芝士菠蘿雞堡 $68
+$18 升級套餐 跟無糖可樂及青山炸雞🍗^_^
相比之下，我呢個芝士菠蘿雞堡比較輕盈少少，但係佢嘅份量一啲都唔少，入邊塊雞扒有少少似平時喺茶餐廳識嘅炸雞扒感覺，都有成隻手掌咁厚，配埋個菠蘿一齊食的確幫到解膩，可能菠蘿同埋雞扒嘅味道都比較龍，芝士味反而唔係好食得到🥸不過整體都配合嘅，都係同一個問題啦，啲配料巨多搞到食得好狼狽，好彩有手套炸🥹以佢嘅青山炸雞有少少似食緊雞粒咁，不過質地厚實少少，都有五粒㗎，成個套餐其實好大份，個人覺得女仔的話一個餐兩份分應該會好啲😂
老土都講一句，食漢堡包真係會食到好飽，人均唔使$100食到個肚脹晒其實到算幾抵😂兩個套餐比較下我會鍾意朋友嗰個黑松露煙肉牛堡多啲👍🏻邊問係黑松露控的話不妨去試吓啦😉
張貼
