Parkview (新都會廣場) (已結業)

今日嚟到葵芳行街，係人都知葵廣好多小食，但係因為約咗我男朋友一齊食晚餐，所以都係搵一個坐得舒服啲嘅地方坐低食嘢。經過見到呢間叫ParkView嘅餐廳，地大，又舒服，枱之間又唔算近，所以就入咗嚟食啦。餐牌方面其實佢都好彈性嘅，除咗一啲set dinner之外，你可以揀咗其他主菜，加錢一樣可以配餐，有包有湯同埋有飲品，最尾仲有雪糕添。我哋揀咗一個牛油果大蝦意粉，同埋一個漢堡包配薯條。我個人來講都幾鍾意食牛油果嘅，所以見到有牛油果意粉就即刻點，可惜個牛油果硬左小小，可能放多一兩日熟一啲會更加好，但係都無損個味道嘅，忌廉汁味嘅意粉一樣好食。至於個漢堡包就好好味，我男朋友一路食都話正。其實呢度早餐性價比都幾高基本上其實未食晒個主菜都已經覺得好飽啦，但係甜品係另一個胃嘅，所以最後每人有一杯雪糕，另外再加多幾分。